Nanguna sila Baste Duterte, Leni Robredo, ug Robin Padilla sa pinakabag-ong Senate election preference survey sa Arkipelago Analytics human silang matag usa nakakuha og 48 porsiyentong voter preference.

Misunod sila Vico Sotto ug Loren Legarda, nga parehong nakarekord og 45 porsiyento ug mipuwesto sa ikaupat hangtod ikalima.

Nakasulod usab sila Raffy Tulfo ug Alan Peter Cayetano, nga parehong nakakuha og 42 porsiyento ug mipuwesto sa ikaunom hangtod ikapito.

Mikumpleto sa top 10 sila Pulong Duterte, Francis Escudero, ug Mark Villar, nga matag usa nakarekord og 39 porsiyentong voter preference. Gisundan sila nila Jose Sixto Gonzales III “Dingdong” Dantes ug Grace Poe, nga parehong nakakuha og 35 porsiyento ug mikompleto sa top 12.

Gipakita usab sa survey nga adunay mga kandidato nga pipila na lang ka porsiyento ang gilay-on sa gitawag nga winning circle. Sila Jinggoy Estrada, Ben “Bitag” Tulfo, Nancy Binay, Joy Belmonte, ug Jose Marie Borja Viceral o Vice Ganda, parehong nakakuha og 33 porsiyento.

Misunod sila Jimmy Bondoc, Juan Edgardo “Sonny” Angara, ug Manny Pacquiao, nga matag usa nakarekord og 30 porsiyento ug mipuwesto sa ika-18 hangtod ika-20 nga ranggo.

Sila Rex Gatchalian ug JV Ejercito parehong nakakuha og 28 porsiyento, samtang sila Rowena Guanzon, Mike Defensor, ug Bong Revilla matag usa nakarekord og 27 porsiyento.

Misunod sila Vince Dizon ug Ralph Recto nga adunay 24 porsiyento, samtang sila Benhur Abalos, Franklin Drilon, ug Mar Roxas parehong nakakuha og 21 porsiyento.

Sa ubos nga bahin sa listahan, sila Gringo Honasan, Francis Tolentino, ug Heidi Mendoza matag usa nakarekord og 19 porsiyentong voter preference.

Misunod sila Philip Salvador, Willie Revillame, ug Bonifacio Bosita, nga matag usa nakakuha og 14 porsiyento.

Sila Chel Diokno ug Doc Marites Mata parehong nakakuha og 8 porsiyento, samtang sila Vic Rodriguez ug Antonio Trillanes parehong nakarekord og 7 porsiyento.

Misunod sila Teddy Casiño ug Ka Leody de Guzman, nga matag usa nakakuha og 5 porsiyento.

Mikumpleto sa listahan sila Pastor Apollo Quiboloy, Teacher France Castro, ug Martin Romualdez, nga matag usa nakakuha og 4 porsiyentong voter preference.

Gihimo ang survey gikan Mayo 26 hangtod Hunyo 2, 2026 pinaagi sa atubangang interbyu sa 2,637 ka mga respondent nga 18 anyos pataas gikan sa tibuok nasod. Ang survey adunay ±2 porsiyentong margin of error sa 96 porsiyentong confidence level alang sa national estimates, ug ±5 porsiyentong margin of error sa 95 porsiyentong confidence level alang sa matag geographic area.